Қазақстан Республикасының Ауыл шаруашылығы министрі Сапархан Омаров Беларусь Республикасының Ауыл шаруашылығы және азық-түлік министрі Анатолий Хотькомен кездесу өткізді.
Беларусь Республикасы Қазақстан үшін маңызды серіктес болып табылады. Әсіресе экономика мен ауыл шаруашылығы секторында екі ел арасында тығыз байланыс орнаған. Қазақстаннан Беларусь еліне өсімдік шаруашылығы және оны қайта өңдеу өнімдері: астық, таңқурай, көкөністерді жеткізуге үлкен мүмкіндіктер жасалған.
Кездесу барысында екі ел арасындағы тауар айналымы, бірлескен жобаларды іске асыру, ауыл шаруашылығы саласының ағымдағы жағдайы және екі жақты ынтымақтастықты одан әрі кеңейту жолдары талқыланды.
Тараптар мал шаруашылығы өнімдерін өндіру және қайта өңдеу мәселесіне, оның ішінде әсіресе Қазақстанның сүт секторын дамыту бағытында бірлесе жұмыс атқару сұрақтарына тоқталды. Бұл ретте, Қазақстан Белорусь мемлекетінің асыл тұқымдық және селекциялық жұмыстарды жүргізудегі, сондай-ақ жемшөп өндіру, шикізатты техникалық регламенттердің талаптарына сәйкес келтіру, ветеринария саласындағы жүйелі жұмыс, аграрлық саладағы білім сапасын жоғарылату мен ақпараттандыру саласындағы жүргізіп жатқан жұмыстар тәжірибесін қолдануға мүдделі екенін жеткізді. Жиында аква-мәдениетті дамыту мәселесі де сөз болды.
Сондай-ақ "Қазақ ұлттық аграрлық университеті" КеАҚ оқу-тәжірибелік шаруашылығы жанынан 400-700 сиырға арналған сүт өңдеу цехы бар модельді сүт-тауар фермасын құру мәселесі қаралды.
Тараптар Қазақстан Республикасында ветеринариялық препараттарды өндіру және өнімдерін үшінші жақ елдеріне жеткізу мақсатындағы Беларусь және Қазақстан мемлекеттерінің бірлескен кәсіпорнын құру мәселесін қарастырды.
Айта кету керек, кеше арнайы жұмыс тобының отырысы барысында "БелВитунифарм" ААҚ (Беларусь Республикасы) мен "WEIDER PHARM" ЖШС (Қазақстан Республикасы) арасында биологиялық ветеринариялық препараттарды өндіру бойынша екі елдің бірлескен кәсіпорнын құру бойынша ынтымақтастық пен бірлескен қызмет туралы Меморандумға қол қойылды.
С.Омаров кездесу барысында Қазақстан жемге арналған астық пен қатты бидайды жеткізу туралы ұсынысты қарастыруға дайын екендігін жеткізді.
Кездесу қорытындысы бойынша министрлер екі ел арасындағы ауыл шаруашылығы саласын дамыту бағытындағы бірлескен жұмыс тобының алғашқы жиынының хаттамасына қол қойды.
Анықтама: Қазақстан мен Ресей арасындағы ауыл шаруашылығы және қайта өңдеу өнімдерінің тауар айналымы
Беларусьпен 2019 жылғы қаңтар-шілдеде 90,7 млн. АҚШ долларын құрады, бұл 8,6% - ға артық 2018 жылдың ұқсас кезеңі (83,5 млн. АҚШ). 2019 жылғы қаңтар-шілдеде Қазақстаннан Беларуське экспорт көлемі 7,0 млн. АҚШ, бұл 2018 жылдың ұқсас кезеңіне қарағанда 78,6% - ға артық (3,9 млн. АҚШ). Беларусьқа экспорттың негізгі көлемі:
– өңделмеген мақта талшығы-2,4 млн. АҚШ долл. (1,6 мың тонна));
- зығыр тұқымдары, ұсақталған немесе ұнтақталмаған-1,7 млн. АҚШ долл. (5,4 мың тонна));
– басты пияз, шалот пияз-648,3 мың АҚШ долл. АҚШ долл. (6,8 мың тонна));
- бидай және меслин-378,5 мың АҚШ долл. АҚШ долл. (2,1 мың тонна));
– brassica тектес басқа да жеуге жарамды көкөністер, жас және тоңазытылған-293,2 мың АҚШ долл. АҚШ доллары (1,0 мың тонна).
2019 жылғы қаңтар-шілдеде Беларусьтен Қазақстанға импорт көлемі 83,7 млн. АҚШ доллары, бұл 2018 жылға қарағанда 5,2% - ға артық (79,6 млн. АҚШ).
Беларусьтен Қазақстанға келетін импорттың негізгі көлемі:
- қоюлатылған немесе қант немесе басқа да тәттілендіретін заттар қосылған сүт және кілегей – 10,8 млн. АҚШ долл. (5,2 мың тонна));
- қатты күйдегі өзге де қант-9,9 млн. АҚШ долларын құрады (23,5 мың тонна).
- еттен, қосымша ет өнімдерінен немесе қаннан жасалған шұжық және ұқсас өнімдер-7,5 млн. АҚШ
(2,2 мың тонна);
- өзге де ірімшіктер-7,3 млн. АҚШ долл. (1,8 мың тонна));
- мүйізді ірі қара малдың мүйізденбеген, жас немесе тоңазытылған өзге де шабындары-6,6 млн. АҚШ долл. (2,4 мың тонна));
– ірі қара малдың ұшалары мен жартылай ұшалары,мұздатылған-4,5 млн. АҚШ долл. (1,6 мың тонна));
- ірі қара малдың басқа да шабылған, құлатылған, мұздатылған-4,0 млн. АҚШ долларын (1,3 мың.тонна).
Ақпарат көзі: moa.gov.kz
