Жәңгір хан атындағы Батыс Қазақстан аграрлық-техникалық университетінің ректоры Асқар Наметов ҚР Парламенті Сенатының Аграрлық мәселелер, табиғатты пайдалану және ауылдық аумақтарды дамыту комитетінің отырысында баяндама жасап, аграрлық саладағы жетістіктер мен мәселелер туралы айтып өтті.
Қазақстанда антропогендік және экологиялық факторлардың әсерінен ақбөкеннің жер бетінен жойылып кету қаупі бар. Жәңгір хан атындағы БҚАТУ-да құрылған тәлімбақтың негізінде жерсіндіру және мекендеу ортасын кеңейту үшін табиғи емес ортада төлді ұстау, өсіру және алу тетігі әзірленді.
«Жәңгір хан атындағы БҚАТУ-дың тәлімбақтарын жануарлар санын сақтау тәсілдерін зерттеу және негіздеу жөніндегі ғылыми орталық және репродуктор ретінде анықтау, сондай-ақ ақбөкендердің мекендейтін барлық аймақтарында тәлімбақтарды масштабтау (технологиялар, ауруларды емдеу, тәлімбақтар мен хайуанаттар бағын қамтамасыз ету)», - деп мәлімдеді А.Наметов.
Жәңгір хан атындағы БҚАТУ-да бекіре тұқымдас балық тәлімбағының базасында бекіре тұқымдас балықтардың уылдырығын ұстау, өсіру және тіршілік ету тетігі әзірленді. Осыған байланысты университет ректоры ЖОО ғалымдары тарапынан зерттеу жұмыстарын жүргізу үшін университет базасында аквамәдениет орталығын құру, мамандарды оқыту, сондай-ақ аналық мал басы мен бекіре шабақтарын репродукциялау туралы ұсыныс жасады. Орталық балық шаруашылығы саласындағы бизнесті кеңейтуге бағытталған ғылыми білім беру өндірістік кешені ретінде жұмыс істейтін болады. Масштабтау басқа кәсіпшілік балық тұқымдарына да таралуы мүмкін.
