Селекциялық материалды себу жұмыстары жалғасуда

Дәнді-бұршақ және майлы дақылдардың селекциясы зертханасының қызметкерлері BR – 22885414 "Заманауи биология әдістерінің негізінде дәнді – бұршақ дақылдардың жоғары өнімді сорттарын құру және өндіріске енгізу, олардың сорттық технологиясын және бастапқы тұқым шаруашылығын әзірлеу" ҒТП шеңберінде А.И. Бараев атындағы АШҒӨО жылыжай кешенінде дәнді-бұршақ дақылдардың (асбұршақ, жасымық және ноқат) селекциялық материалын себуді жүргізді.

Зертханада жүргізілетін селекциялық жұмыстар классикалық селекция әдістерімен әлемдік генетикалық әртүрлілікті пайдалана отырып, өнімділік, жергілікті қатал жағдайларға бейімделу және өнім сапасы көрсеткіштері бойынша өсірілетін сорттардың өз сипаттамалары бойынша стандарттарынан асатын, өндірістік маңызы жоғары дәнді-бұршақ дақылдардың сорттары мен желілерін құруға бағытталған.