Ақмола облысында орналасқан «Ақмола-Феникс» АҚ құс фабрикасының аумағында қазақстандық ғалымдар құс саңғырығын өңдеп, биологиялық өнімді қолдана отырып, органикалық тыңайтқыштар жасай бастады. Бұл туралы С.Сейфуллин атындағы Қазақ агротехникалық университетінің баспасөз қызметінен хабарлады.

Аталған өнімді ҚазАТУ-дың топырақтану және агрохимия кафедрасындағы биология ғылымдарының докторлары және профессоры Айнаш Науанова бастаған ғалымдар тобы жасады.  Жобаны коммерциализациялау үшін Дүниежүзілік банктен грант алынып, «BIO-KATU» ЖШС атты стартап-компания құрылды. Қазіргі уақытта ғалымдардың жұмысы өндіріске енгізіліп жатыр.

«Ақмола-Феникс» АҚ құс фабрикасының аумағында 4,8 га қоқыс полигоны салынды, онда құс саңғырығы Германияда шығарылған BACKHUS A36 құрылғысына Agro-Mix, Compo-MIX және Agrarka биологиялық өнімдері қосылып өңделеді», - деп хабарлады ҚазАТУ-ғалымдары.

Аталған полигон арнайы ауыл шаруашылық және өндірістік жабдықтармен жабдықталған. Мұнда органикалық тыңайтқыштарды арнайы қораптарға салады, содан кейін тауар сатуға дайын болады.

Тыңайтқыштарды алумен қатар, құс пен мал қиын кәдеге жарату мәселелерін шешуге мүмкіндік береді.

Айта кетерлік жағдай, технологиялық желі Agro-MIX, Compo-MIX және Agrarka белгісі  бойынша айына 5 000 литрге дейін сұйық биологиялық өнім шығаруға мүмкіндік береді.

Қазіргі уақытта Ақмола облысындағы «КАЗГЕР-ҚҰС» құс фабрикасында және Ақтөбе облысындағы ADMIinvestment-те құс көңін органикалық тыңайтқышқа айналдыру технологиясы енгізілді.

Ақпарат көзі: https://eldala.kz/kz/novosti/kazahstan/3884-uchenye-kazatu-proizvodyat-udobreniya-iz-othodov-pticefabriki