"ҰАҒББО" басқарма төрайымы Айгүл Ахмеджанова Шәкәрім Университетінің жұмысымен танысты

Ұлттық аграрлық ғылыми-білім беру орталығының басқарма төрайымы Айгүл Ахмеджанованың Шәкәрім университетіне жасаған жұмыс сапары барысында өңірдегі аграрлық ғылым мен білім саласын дамытудың өзекті мәселелері талқыланды.

Университет ректорымен кездесу мал шаруашылығы өнімдерін өңдеуге бағытталған технопарк құру перспективаларын талқылауға негіз болды. Абай өңіріндегі қолайлы климат пен дамыған мал шаруашылығы инфрақұрылымы бұл бастамалардың өзектілігін көрсетеді.

"Университет аграрлық сектор үшін білікті мамандарды даярлаудың бай тарихына ие. Технопарк құру бойынша бірлескен жұмыс жергілікті өнімді өңдеудің сапасы мен көлемін айтарлықтай жақсартатынына сенімдіміз", - деп атап өтті ҰҰҰО басшысы.

Сонымен қатар, сапар барысында Айгүл Ахмеджанова Шәкәрім университетінің инфрақұрылымымен және қызметімен танысты. Екі жақ алдағы уақытта ынтымақтастықты тереңдетіп, ауыл шаруашылығы саласын бірлесе дамытуға ниеттерін білдірді.