ҚР Ауыл шаруашылығы министрі Айдарбек Сапаров жұмыс сапарымен, мақта және бақша ауылшаруашылығы тәжірибе станциясына қарасты, Шардара ауданындағы Ұзын-ата ауылдық округіндегі Шардара филиалының эксперименталдық алқабында, Мақтаарал, Жетісай және Шардара аудандарының ауылшаруашылығы дақылдарын өсіретін шаруа-диқандармен кездесу өткізді.

Іс-шара аясында, Мақта және бақша ауылшаруашылығы тәжірибе станциясының Басқарма төрағасы Нұрман Мамытұлы, отандық мақта сорттарының әлеуетін одан әрі арттыру және оны баптаудың қарқынды технологиялары және сортаң жерлердің құнарлылығын арттыру бойынша ұсыныстар туралы айтты.