Астанада «ТҰҚЫМ-2025 ТҰҚЫМ КҮНІ» IV халықаралық конференциясы басталды

2024 жылдың 4 желтоқсанында Астанада  Ұлттық аграрлық ғылыми білім-беру орталығының ұйымдастыруымен «ТҰҚЫМ-2025 ТҰҚЫМ КҮНІ» 4-ші халықаралық конференциясы басталды. «Бүгінгі жақсы тұқым – ертеңгі мол өнім» ұранымен өткен шара ауыл шаруашылығы, тұқым шаруашылығы және агрономия саласының мамандарының басын қосты.

Қазақстан Республикасының Ауыл шаруашылығы вице-министрі Ербол Тасжуреков конференцияны құттықтау сөзімен ашып, еліміздің азық-түлік қауіпсіздігі мен аграрлық экономикасын қамтамасыз ету үшін тұқым шаруашылығының маңыздылығын атап өтті. Ол тұқым өсіру мен өндіруге заманауи көзқарастың шешуші рөлін, сондай-ақ өнімділікті арттыру үшін жаңа технологияларды енгізу қажеттілігін атап өтті.

Шараның алғашқы күнінде күні көрме мен бос жұмыс орындары жәрмеңкесі өтті, онда қатысушылар өздерінің ғылыми жетістіктерін таныстыруға және Қазақстандағы тұқым шаруашылығын дамыту перспективаларын талқылауға мүмкіндік алды. Сондай-ақ конференцияда селекциялық және тұқым шаруашылығы жүйесін дамыту стратегиясына арналған сессия отырысы өтіп, мамандар осы саладағы өзекті мәселелер мен жетістіктерді талқылады.

Айта кетейік, конференция 5 желтоқсанға дейін жалғасады, екінші күні селекцияның заманауи әдістері мен биотехнологиясы бойынша семинарлар мен презентациялар жоспарланған.