А.И. Бараев атындағы АШҒӨО дуальды оқыту аясында студенттер ауыл шаруашылығы техникасымен танысты

2024 жылғы 18 қарашада А.И. Бараев атындағы астық шаруашылығы ғылыми-өндірістік орталығында "Ауыл шаруашылығы машиналары" пәні бойынша дуальды оқыту шеңберінде С.Сейфуллин атындағы Қазақ агротехникалық зерттеу университетінің 6В08701 "Агроинженерия" білім беру бағдарламасының екінші курс студенттеріне таныстыру экскурсиясы өтті. Экскурсия ауыл шаруашылығы техникасымен танысу мақсатында ұйымдастырылды және оны С.Сейфуллин атындағы ҚАТУ түлегі, АШҒӨО инженерлік қызметінің қызметкері А.Б. Ахмедиев өткізді.

Іс-шараға студенттер мен аға оқытушы-эдвайзер Ш.К. Оспанова қатысты. Білім алушыларға қолда бар ауыл шаруашылығы техникасы мен жабдықтары көрсетілді, сондай-ақ оларды ауыл шаруашылығы дақылдарының селекциясы саласындағы Орталық ғалымдарының жетістіктері таныстырылды. Студенттер Солтүстік Қазақстандағы ресурстар үнемдегіш егіншіліктің ерекшеліктеріне қызығушылық танытты.

Жастарды ғылыми зерттеулер практикасымен таныстыру Қазақстанның АӨК әлеуетін дамыту үшін университет түлектерінің аграрлық ғылымға келуіне үміт артуға мүмкіндік береді.