Егіншілік саласындағы беделді ғалым Эрвин Госсен дүниеден өтті
Қазақстанның аграрлық ғылымы үшін салмағы ауыр қаралы хабарды өкінішпен естіртіп отырмыз, егіншілік саласындағы беделді ғалым, ҚР ҰҒА академигі, Ленин сыйлығының лауреаты Эрвин Францевич Госсен дүниеден өтті.
Эрвин Госсен танымал ауыл шаруашылығының ғалымы, қазақ қоғам қайраткері және аграрлық ғылымның ұйымдастырушысы, ауыл шаруашылығы ғылымдарының докторы (1991), профессор, топырақты жел эрозиясынан қорғау жүйесін әзірлеушілердің бірі ретінде Ленин сыйлығының лауреаты (1972).
Біз Эрвин Францевичке Қазақстанның аграрлық саласын дамытуға қосқан баға жетпес үлесі үшін шексіз ризамыз. Ол ғылыми қызметін ауыл шаруашылығы топырақ қорғау жүйесі мәселелерін зерттеуге арнады. 1972 жылы Эрвин Госсен Бүкілодақтық астық шаруашылығының ҒЗИ директоры А. И. Бараевпен және бірқатар басқа ғалымдармен бірге топырақты жел эрозиясынан қорғау жүйесін әзірлеушілердің бірі ретінде Ленин сыйлығының лауреаты атанды.
Эрвин Францевич 1931 жылы 18 шілде күні Украинаның Днепропетровск облысы, Молочан ауданы, Вальтгейм ауылында дүниеге келген. 1969-1982 жылдары Эрвин Госсен А.И. Бараев атындағы Бүкілодақтық астық шаруашылығы ғылыми-зерттеу институтында директордың ғылым жөніндегі орынбасары болып қызмет атқарды. 1982-1984 жылдары В.И. Ленин атындағы Бүкілодақтық ауыл шаруашылығы академиясы Шығыс бөлімшесі төрағасының орынбасары болды. 1984-1996 жылдар аралығында Қазақ ауыл шаруашылығы ғылымдары академиясында жұмыс істеді, егіншілік, химияландыру, су және орман шаруашылығы және агроэкология бөлімін басқарды.
Ол өмір жолының 50 жылдан астамын ғылымға арнаған және ауыл шаруашылығы саласында жоғары жетістіктерге қол жеткізе білді. Эрвин Францевич зерттеу жүргізіп, жаңа топырақ өңдеу құралдары мен егіс машиналарына агротехникалық талаптарды құрастыруда басшылық етті, топырақты эрозиядан қорғау мәселелерімен айналысты. Академик Э.Ф. Госсеннің жұмыстары 2005 жылдан бастап қоршаған ортаны қорғауға және табиғаттағы тепе-теңдікті қалпына келтіруге ықпал ететін экологиялық заңдарды сақтау еңістігімен, қандай да бір өндірісті ұйымдастыру технологиялары мен тәсілдерінің өзгеруімен, инновацияларды одан әрі дамытуға бағытталған. Экономика салаларының басым модельдерін талдау негізінде оларға орнықты дамуға ықпал ететін халықаралық және қазақстандық кластерлерді ұйымдастыру, оларды басқару деңгейі бойынша саралау жөнінде ұсыныстар тұжырымдалды.
Э. Госсен экономикалық және саяси реформаларды жүзеге асыруда, азаматтылық пен патриотизмге тәрбиелеуде, ұлтаралық және конфессияаралық келісімді нығайтуда оң позицияға ие 200-ге жуық ғылыми жұмыстарды жариялады.
ҚР аграрлық ғылымына қосқан зор үлесі мен қажырлы еңбегі үшін Э. Ф. Госсен көптеген марапаттар иесі: «Тың және тыңайған жерлерді игергені үшін» медалі, КСРО Халық шаруашылығы жетістіктері көрмесінің алтын және қола медальдары, «Қажырлы еңбегі үшін» мерекелік медалі, алтын медаль және Ленин сыйлығының лауреаты атағы, тың және тыңайған жерлерді игеру құрметіне төс белгілер, ордендері – «Құрмет», «Еңбек Қызыл Ту», «Достық», «Отан»; медальдары – С.И. Вавилов атындағы «Қалмақияға 50 жыл», «Еңбек ардагері», «Ұлы Отан соғысындағы жеңіске 60 жыл», «Қазақстан Конституциясына 10 жыл», «Академик А.И. Бараевқа 100 жыл», «Ұлы Отан соғысындағы жеңіске 65 жыл»; Қазақ КСР Жоғарғы Кеңесі Төралқасының Құрмет грамоталары.
ҰАҒБО басшылығы мен ұжымы ғалымның өмірден озуына байланысты қайғыға ортақтасып, Эрвин Францевичтің отбасына, туған-туыстарына көңіл айтады.
