Қазақ жеміс-көкөніс шаруашылығы ҒЗИ ғалымдары алманың «Восход», «Айнұр», «Талғар», «Анель», «Мақсат» атты жаңа перспективалық отандық сұрыптарын шығарды. Бұл сұрыптар 2563 га алқапты қамтиды, жаңа сұрыптардың экономикалық тиімділігі қосымша өнім қосудан (18 тонна/га) құралған.

2004 жылы «Талғар», «Восход», «Айнұр» және «Мақсат» алмасының жаңа сұрыптары 2011 жылы «Қазақстан Республикасында пайдалануға рұқсат етілген селекциялық жетістіктердің мемлекеттік тізіліміне» енгізілді.

Алманың жаңа сұрыптарының жемістері ұзақ уақыт қоймаларда сақталуы мүмкін, бұл оларды жаңа және одан да ұзақ мерзімде (9 айға дейін) сатуға және пайдалануға мүмкіндік беріп және осы салада бизнес жүргізудің тиімділігін арттыруға ықпал етті.

Көшеттер өндірісін арттыру және бақтарды қазақстандық сұрыптармен отырғызу жөніндегі міндеттерді шешу үшін жаңа бәсекеге қабілетті отандық жемістерді отырғызу материалдарын өндіру үшін бірлескен компания құру неғұрлым қолайлы болып табылады.

 

«Восход»

Селекция сұрпы Қазақ жеміс-көкөніс шаруашылығы ҒЗИ-ге тиесілі. Толық пісіліп жету мерзімі – қыс уақыты, қысқа төзімділігі жоғары. Ұнды шық пен паршеге төзімді. Орташа қабатты ағаш, жиегі дөңгелек, шағын. Бақшаға отырғызғаннан кейін 2-3 жыл шамасында жеміс бере бастайды. Өнімділігі жоғары. Жемістер 260г дейін үлкен, кандиле тәрізді, түсі ашық-сары. Дәмі қышқыл-тәтті, хош иісті. Дақылдың іші ақ түстес, тығыз, нәзік, шырынды, ұсақ түйіршікті. Жемістер қыркүйек айының ортасында піседі. Сәуір айына дейін сақталады. Сұрып Алматы, Жамбыл облыстарында шоғырланған.

 

 «Айнұр»

Селекция сұрпы Қазақ жеміс-көкөніс шаруашылығы ҒЗИ-ге тиесілі. Толық пісіліп жету мерзімі – қыс уақыты, қысқа төзімділігі жоғары. Ауруларға төтеп бере алады. Орташа қабатты ағаш, шеті дөңгелек, ашық, орташа қоюландырылған. Бақшаға отырғызғаннан кейін 2-3 жыл шамасында жеміс бере бастайды. Өнімділігі 290ц/га. Орташа көлемдегі жемістері 170-200г, дөңгелек-конустық, алтын-сары түсті, қышқыл-тәтті дәммен, хош иіспен, ішкі жұмсағы крем түстес, шырынды, тығыз, нәзік. Жемістер қыркүйек айының ортасында піседі. Тоңазытқышта наурыз айына дейін сақталады. Сұрып Алматы облысында шоғырланған.

 

«Талғар»

Селекция сұрпы Қазақ жеміс-көкөніс шаруашылығы ҒЗИ-ге тиесілі. Толық пісіліп жету мерзімі – қыс уақыты, қысқа төзімділігі жоғары. Паршеге және ұнға төзімді. Орташа қабатты ағаш, жиегі дөңгелек, орташа қалың. Бақшаға отырғызғаннан кейін 3 жыл шамасында жеміс бере бастайды. Өнімділігі жоғары. Жемістер үлкен 190г, дөңгелек-конус пішінді, негізгі түсі жасыл, жабынды күрең, қышқыл-тәтті дәм. Дақылдың іші крем түстес, шырынды, тығыз. Жемістер қыркүйектің соңында пісіп, сәуір айына дейін сақталады. Алматы облысында шоғырланған.

 

«Анель»

Селекция сұрпы Қазақ жеміс-көкөніс шаруашылығы ҒЗИ-ге тиесілі. Жазғы-күзгі пісу мерзімі. Қысқа төзімділігі жоғары. Ұнды шық пен паршеге төзімді. Төменгі қабатты ағаш, шеті дөңгелек. Бақшаға отырғызғаннан кейін 3 жыл шамасында жеміс бере бастайды. Өнімділігі жоғары. Жемістер 205г дейін орташа және ірі, дөңгелек қара-қызыл түсті. Дәмі қышқыл-тәтті, күшті хош иісті, ақ, орташа тығызды, нәзік, шырынды. Жемістер тамыз айында піседі. Қаңтар айына дейін сақталады. Мемлекеттік сұрып сынағын өтуде.

 

 «Мақсат»

Селекция сұрпы Қазақ жеміс-көкөніс шаруашылығы ҒЗИ-ге тиесілі. Күзгі-қысқы пісу мерзімі. Қысқа төзімділігі жоғары. Ұнды шық пен паршеге төзімді. Орташа қабатты ағаш, шеті дөңгелек, ашық. Жеміс-жидек 2-3 жыл шамасында пайда болады. Өнімділігі жоғары. 210г жемістер, жалпақ дөңгелек пішінді, негізгі түсі жасыл, қызыл жалаң. Дәмі қышқыл-тәтті, күшті хош иісті. Ішкі жұмсақ ұлпасы крем түстес, тығыз, шырынды. Жемістер тамыз айының соңында піседі. Қаңтар айына дейін сақталады. Сорт Алматы облысында шоғырланған.