Сн, 01/16/2021 - 10:31
Жаңалықтар

Премьер-Министр Қазақстан Республикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасын бекіту туралы жарлыққа  қол қойды. Жаңартылған құжатта 2021 жылы мал шаруашылығы мен сиыр етін қайта өңдеуді дамытуға арналған субсидия көлемі көрсетілген.

Аталған құжатқа сәйкес, асыл тұқымды мал шаруашылығын дамытуға және мал шаруашылығы өнімдерінің өнімділігі мен сапасын арттыруға жұмсалатын шығындарды субсидиялауға, сонымен қатар сиыр етін өндіру мен қайта өңдеуді қолдауға жергілікті бюджеттерден 96 573,6 млн.теңге бөлінеді.

Агроөнеркәсіптік кешен субъектілері инвестициялармен жұмсаған шығындарының бір бөлігін өтеуге, оның ішінде сиыр етін өндіруді және қайта өңдеуді қолдауға республикалық бюджеттен берілетін субсидияларға 186 157 млн. теңге бөлінеді.

АӨК субъектілеріне несие беру, сондай-ақ ауылшаруашылық малдарын, машиналар мен технологиялық жабдықтарды сатып алу үшін лизинг, соның ішінде сиыр етін өндіруді және қайта өңдеуді қолдау үшін сыйақы ставкаларын субсидиялау үшін 97 514 млн.теңге сомасында трансферттер қарастырылған.

Сондай-ақ, агроөнеркәсіптік кешен өнімдерін экспорттаудың мақсатты индикаторлары түзетілді, ол бір жыл ішінде $3 135,3 млн. құрайды деп күтілуде, оның ішінде сиыр етінің экспорты $0,12 млн. жоспарланған.

Ақпарат көзі: https://eldala.kz/kz/novosti/zhivotnovodstvo/3790-pravitelstvo-utverdilo-obem-subsidij-na-zhivotnovodstvo-v-2021-godu